Thursday, August 4, 2022

竄訪

Oh come on! 你冇膽匪類連喺香港過夜都唔敢,龜縮喺撈化嘅深圳殖民地,噉算唔算竄訪?屈喺個車站唔敢見人又算點?



Tuesday, August 2, 2022

縮骨戰爭

共產撈頭為轉移自身無能執政必然會發動對外戰爭,但點樣可穩操勝算就要算死草啦。由易到難:

1. 吞併蒙古國,輸出城管武警加流氓地痞。反正而家同普京啱倾,最多咪兩家分,冇折抵。掠奪資源同廉價勞動力,仲可以講攞返比台灣幾倍大嘅地方,小粉紅唔洗捐一個月工資,就收復咩嘢自古以嚟。

2. 打越南,增強對南海控制,全民血染風采打飛機。打擊轉移資本或製造業到越南嘅鬼佬。就算歐美想幫,都冇烏克蘭咁容易。戰事稍有不利,順便話嶺南人都係內奸,沒收粵人財產,建立粵地集中營,撈頭又可以搞新共產天堂。

3. 佔領東沙、太平島,當收復咗台灣, the end。



Saturday, July 16, 2022

我支持河南警察,你們可以打我了。

今日斯里蘭卡成為國際笑話,總統與家人親信一走了之,留下一個負債國家畀人民當家做主。中國亦有一個斯里蘭卡,名鄭州。果度騙子橫行,白衣人比元朗果啲更有威勢,冇大肚腩。官商更係淡定,除吕奕外都冇逃亡,一樣留下一個負債國家畀人民當家做主。上年水浸地鐵當冇事發生。呢次就我支持河南警察,你們可以打我了。












Saturday, July 9, 2022

漢文時間:轉載 陶傑、盧安迪 安倍晉三輓聯

日本前首相安倍晉三不幸猝逝,文明世界哀之。安倍先生生前喜愛書法,字體雅貴,修養謙和,華夏古風,東亞精神。

香港青年才俊盧安迪君自美國寄來輓聯:

歐亞有同盟,環拓淵深,為遏丹鱗資倍力;

華夷雖變態,東傳日久,須憑綠羽護三綱。

誠為中肯之論。觸發我一時技癢,為倡導中國語文文化精髓,亦以一蕪聯薄奉:

劍無三晉,國將安歟?海宇荒原謀盛業;

才不半古,功已倍之,山川異域慨同天。

註釋:

1,「劍無三晉」:戰國時代的趙魏韓,並稱三晉。今日美日安保條約之下,東亞之日韓台,亦隱然各臨所敵。聯盟共力,為安倍半生遺略,唯政治現實,國內下一代萎軟,高麗尤仇日,苦心謀國,豈易得之。

2,「才不半古,功已倍之」:出自孟子。意指今日的政治家,才能不及古賢的一半,而所立功業易高於古人一倍,指今人得時遇勢,創造功業,比先人容易。觀諸日本百年前之盛:改革人物如伊藤博文、西鄉隆盛、大久保利通等風雲人物,俱歿於非命,安倍先生亦可以此死烈,碑誌於史,可謂幸矣。

3,「荒原」:美國詩人TS Eliot 著名長詩The Waste Land,有批判現代末日警世之意。

4,「山川異域,風月同天」,此日本於年前疫惡期間向其隔海鄰國贈送醫療品、引用日本親王向大唐鑒真贈袈裟之手書偈語,雍貴祥和。唯安倍遇刺,彼國之戰狼網民一如既往,歡欣慶賀,其民族質素形象又為國際注目。



Wednesday, June 22, 2022

搭沉船

公啱去完海南避瘟搞娘子軍,又嚟香港睇放棄一代人後可以搞出乜也奇跡。下邊馬仔迎合上意,抹去珍寶船,證明大家有搭沉船嘅決心。中原王朝正好抹去一代歷史符號,話畀你呢的嶺南猴子知,你哋唔配有文化記憶。



Tuesday, May 17, 2022

傳說中嘅遞刀子

上嗮頭條一舉成名,知道加州唔會動用死刑,只要證明精神有問題仲可以減刑。使用槍支犯案就話係美國槍支氾濫嘅錯,當事人亦係受害者。再描述教堂腐敗,騙錢,當事人替天行道。有教授頭銜嘅人,不可能知法犯法,搞掂。而 hate crime 呢一 part 就要說服鬼佬,跟本冇台灣人或台裔呢個概念,只有中國人,所以係同類紛爭,不構成 hate crime。中國和平統一促進會呢次揚名,勢必有更多人加入做大買賣,殺人放火金腰帶,而家唔搵多兩個銀,未通等戰敗?



熟讀綱領文件

多謝提醒五一六通知,鬧鐘一響係時候互相廝殺。中原流氓潑皮想侵佔上海人財產,霸佔小姐,點知撈共叫停,要等明年先共產共妻。噉就而家先劃分勢力範圍。