金山阿伯冇鳩用

亞美尼亞與阿塞拜疆嘅戰爭以阿塞拜疆勝出告終。撈頭自搬龍門，自入阿塞拜疆角色，得出結論，獨裁統治，發展軍備乃必勝之訣，西方冇出手應證此道可用於台灣。均不知蘋果與橙不可對比，俄國與土耳其角力先係焦點。此戰事對粵僑反而有好大啟示，亞美尼亞有龐大嘅移民團體，分佈歐美同澳紐，極為有錢，土豪多如牛毛。唔少亞美尼亞人自比猶太人犀利，確實喺耶路撒冷佔一街區。呢班擁有實力嘅僑民點解冇金錢幫助母國，更無提供有效資訊畀鄉親父老顧及無人機技術。睇嚟消費母國嘅民族認同確係一門好生意，至於母國生死就不關己事。西方政要需要亞美尼亞僑民嘅選票，自然會口講支持，但不做動作。香港又一次迎嚟大逃亡，海外粵人、港人團體又會壯大，如何真正與猶太人比肩，而非鳩吹，首先定下反攻回粵、港支援本土作戰為首要目標。