撈頭混淆視聽，為咗破壞嶺南諸邦團結，豎出廣府稻草人。既有族群投撈共所好，用滅粵尊普嚟壯大自身，結果粵未廢，推普機就毀咗自己先。
轉載 Tony Li 論所謂廣東話嘅霸權主義
近代人出現一種嚴重嘅邏輯問題，起源都係因為左派嘅人係按照意識形態同埋情感嘅主導。例如譴責廣東話嘅霸權，卻完全無理會北平官話嘅霸權係由大清雍正時期一直延伸至今，不斷蠶食，不斷破壞東亞地區嘅語言。但係，當今嘅人一聽到北平官話就反而話係普通話，共通語言方便人去溝通，地位猶如英語。
霸權主義嘅定義就係一個團體透過政府機關，去強迫民眾去肯定，接受，學習某種語言，係具有強制性。試問廣府人幾時真係控制過一個政權去強迫人學習廣東話呢？就算係睇返民國時期，控制過廣州嘅領袖有：陳炯明係海豐人，陳濟棠係客家人，就算係國民政府都係有唔同省份嘅人。而香港更加係多民系，例如有控制商業行政嘅上海人，潮汕人。港英政府從來係唔會有法律強制學習廣東話。我真係想知道，有邊條明文規定話廣東話係官方語言，係具有強制性咁要求人去學。
甚至馬來西亞吉隆玻多廣東人地區，電台節目多用廣東話都係話變成粵語霸權。根本系廢話。尼種根本係支共統戰開工作。
雖然我本人唔認同某種語言霸權。但咁嘅邏輯問題根本係可恥。你其他語言嘅人既然認為廣東話霸權係有問題。你大可以去開電台，去辦報章，係宣傳，係教育你地下一代，而唔係去要求人家幫你去追求，去建立你嘅理想國度。我地敬重嘅陳公炯明，就係去辦過 閩系人嘅報章 「閩星報」。稱廣東話霸權嘅人，完全無理會普通話嘅霸權地位，同埋侵略性，忽視國共政府推行嘅國語/普通話政策造成嘅語言霸權，極端民族主義抬頭，根本同支持拜登，同時打壓言論自由嘅白痴係一鳩樣。
