生活喺殖民地社會，我三年級果陣碰啱經歷咗一次民主選舉。由於生活喺機關單位，身邊嘅同學仔都係被流放嘅第二三代撈頭，又或撈粵混血兒。一二年班果陣我哋有個粵人班主任，班長係一個能講流利粵語嘅二代河南撈女。90年改革開放已成定勢，大量撈頭官員唔想留喺六四個傷心地，舉家落嚟大粵搶錢。同期亦都帶嚟唔少跟班惡霸，想嚟粵地不勞而獲。我三年班第一日返學就發現學校門口多咗好多轎車停泊，我從細就成日睇住啲撈仔闘大比權勢，廳級處級都係小兒科，部級嘅公子多餘麻，不過呢次學校睇嚟又多唔少公子王孫。上堂果陣發現我班換咗個公啱南下嘅撈頭班主任，而且多咗好多新嘅撈頭同學。主任同班同學講好多嘢都唔同以前，希望大家能夠和睦相處，首先係要重選班長，畀新嚟嘅同學一個機會。經過投票河南撈女受到原來嘅朋友支持，加上一啲新同學亦都好中意佢，最後連任。但班主任認為呢次選舉唔公平，有地方勢力干擾（佢真係當住班小朋友面前噉講），所以宣佈選舉無效。由佢委任咗一個公啱喺江西落嚟嘅撈仔做班長，而其它班上職務都分畀撈頭做，粵人根本冇機會。放學后新任班長個老竇親自上樓多謝班主任提拔佢仔，仲開車送班主任返屋企。噉班同學仔先知原來選舉係場show，職位已經內定。身為粵人嘅我亦明白到被撈頭殖民嘅無奈，粵人想上位根本就唔可能。而果啲撈粵混血更加係明白到玻璃天花板嘅存在，只恨自己非純血。
三年班以後就在冇人喺班房到講粵語，因為冇人想畀班主任話係地方勢力。我嘅粵文水平從此一落千丈，加上父母都成日鼓勵我多講普語，希望我日後可以投靠班撈頭上位，搞到我成為一個唔識講粵語嘅粵人。
