中華民國應該同巴勒斯坦國建立外交關係

巴勒斯坦好似真係好想喺今年內建國，建議中華民國給予其幫助揸緊呢次機會再添一個邦交國。巴勒斯坦國嘅處境同中華民國相似，一個政體係某個地方宣揚住一個主權獨立國家嘅概念，但呢個國家大部份土地唔屬於呢個政權，首都亦被另一政權佔領，更可悲嘅係聯合國都唔承認有呢個國家存在，冇佢嘅位置。所謂同病相憐就易溝通，巴勒斯坦人被以色列人打敗嘅痛和民國人被蘇聯土匪打敗嘅痛類似應該有共鳴。放且共產撈頭表明支持阿拉伯世界人民，實際同以色列一齊玩佢哋，阿拉法特多次希望毛澤東幫佢一下，結果都係攞返啲空頭支票，抬頭仲要係來自以色列銀行。今年中東民變，中共撈頭繼續企喺民眾對立面，穆斯林世界已經睇清果個自稱第三世界老大嘅真面目，呢個時候中華民國唔出手要等幾時？我就睇死國民黨冇本事搞台獨，噉金錢外交應該識掛？