當年蘇聯瓦解，海外俄羅斯僑民社區面對新一波犯罪浪潮。好多俄國高官斂財後把子女家人送往外國，自己就繼續係俄國貪錢。本嚟俄人幫派就專搞武器生意，有槍械打家劫舍警察都要讓三分。而家肥羊隨手可得，綁架自然理所當然。通常綁匪會要求贖金轉入俄國帳戶，再轉到歐洲，噉樣喺本地國就冇金錢線索，當地警方好難入罪，而貪官亦唔可能喺俄羅斯報警，因為怕畀人知自己貪錢。俄人綁匪通常兇殘，攞到錢仲要殺人，因為知道對方有太多唔見得光嘅事，無法追捕佢哋，所以殺人質爲樂。
唐人街本身就幫派林立，而家搵食艱難，綁票事件會越嚟越多。撈頭富人喺海外都比較高調，係更大嘅肥羊，以後唐人新聞會更加熱鬧。
