上邊呢只旗唔係大日本海軍旗，唔識嘢憤青可以去收皮。
馬其頓共和國同希臘因為起名產生爭執持續多年，Macedonia可以係地名但亦係古希臘嘅王朝名。由亞歷山大帝建立嘅馬其頓帝國可以話無人不知，帝國嘅古仔到咗今日都仲經常搬上銀幕。從南斯拉夫分裂出嚟嘅地區由於曾屬馬其頓帝國，所以使用Republic of Macedonia看似合理，但諗深一層就明白希臘點解要反對。最直接嘅就係馬其頓共和國民族係斯拉夫人分支，唔係原嚟嘅馬其頓人，所以冇可能代表繼承馬其頓帝國。其次希臘北部亦係叫馬其頓區，而希臘係公認嘅古希臘城邦，王朝嘅繼承者。因此馬其頓共和國呢個名有爭議性！
一個現代國家使用古代嘅一個王朝名作為自己國號要符合從古到今民族嘅連貫性，語言嘅連貫性，地域嘅連貫性。任何一樣嘢出現同鄰近地區產生衝突就好難得到國際認同。1802年阮福映想改國號為南粵（越）但嘉庆皇帝認為粵（越）係中原王朝自古以嚟嘅殖民地，國號唔能夠有模糊性質，加上越南人唔可以代表被中原統治嘅百越民族，所以敕封國號粵（越）之南，後稱越南。
上一代粵人稱呼自己為唐人，講唐話，穿唐裝，住唐人街，祖國係唐山（湖北？），就犯咗上邊講嘅大忌。粵人點可以代表一個古中國朝代？我哋搵唔到真正嘅唐人後裔對證下。撈頭以此作為笑話，國際又冇人肯定，簡直就係自欺欺人嘅稱號。我鍾意大唐盛世，唔代表就可以隨便話自己係唐朝人。唐人呢個稱號讓世界誤解粵民族多年，今時今日粵人好應該做嘅就係向世界正名，畀世界知道粵人嘅真實存在。
下邊只旗唔係南韓旗，送畀果啲仲喺到懷念大塘燒鵝嘅粵人。
