好多人都喜歡青天白日標誌，唔知係唔係因為青天白日為粵人所設計，代表先代粵人革命立國意志，推翻異族統治，時至今日更有反共嘅號召力嘅原因。又有可能粵人認為自己擁有青天白日嘅版權，鍾意點用都得。
我想同大家探討下攞青天白日嚟做大粵旗幟一部份嘅意義。大家可以先上wiki睇下青天白日代表啲乜嘢，然後問自己把呢個標誌放喺我哋大粵支旗到合唔合適。個標誌原意係“為漢復仇之志”。當年嘅粵人要復漢，今日我哋係要脫漢。當年嘅粵人都係反清但不複明，難道我哋連當年粵人創立新時代嘅勇氣都冇，要反共產黨復國民黨同佢嘅民國？青天白日而家係中國國民黨嘅黨旗同黨徽，我大粵難道係要畀中國國民黨統治？如果唔係，我大粵只係有承繼中國國民黨意志嘅政黨沿用呢個標誌，噉證明我哋嘅呢啲政黨此中冇能夠去中國化。如果有人認為青天白日係代表三民主義，代表自由，平等，博愛。以此為理由用其作為政黨標誌嘅話，我覺得冇問題。但一個政黨嘅標誌出現喺國旗到，就會畀人話黨國不分。蘇聯嘅國旗就明顯體現出其黨國不分嘅觀念，而中華民國嘅國旗亦都體現出其黨國不分嘅概念， 大家睇下而家臺灣民進黨對中華民國國旗感受就知。將來大粵民國非三民主義黨嘅人睇國旗果陣又有咩受。唯一青天白日喺大粵國旗到出現合理嘅情況就係，國家本身冇任何一個政黨使用呢個標誌，呢個標誌只能為代表國家所用，而且要從新定義青天白日嘅意義，因為唔係個個人都信仰三民主義又或為漢復仇之志。
所以我認為最好應該避免用啲有爭議嘅標誌嚟製作旗幟。
