最近忙中偷閒幫我老豆接待佢恩師。老師傅80幾歲非常健壯，係我老竇喺航海學院果陣嘅老師，果個年代由於人才缺乏，佢係喺海軍部隊抽派到湛江教學嘅轉業軍人，後嚟又因為政治運動需要返返去部隊。老師傅而家常住加拿大呢次落嚟美國係想喺行得走得之年會會老同學同佢個冇用徒弟（我老竇），我就變咗佢司機帶佢周圍見客。由於係路上嘅時間冇咩做，老師傅成日同我傾偈。好快佢發現我理論古怪，而且對好多歷史都好清楚，同佢香港出世嘅仔女公啱相反。老師傅有意問我對撐粵語時間嘅睇法，我同佢講長期嘅民族欺凌終有爆發果一刻。佢哈哈大笑問我邊個蝦邊個，我答佢係撈頭漢族打壓我廣東粵族。佢話我思想前衛，等下會介紹佢老友嚟同我講故仔。
去到茶樓認識老師傅嘅同窗，同窗係閩南人但係喺廣東大能講流利廣府話。老師傅同佢同窗都係原國民黨軍艦嘅水兵，佢哋嘅先父都係跟隨孫中山嘅革命黨人，我睇到佢哋帶嚟懷舊嘅文件中有中華民國嘅獎勵狀，上邊仲係五色嘅中華民國旗。1949老師傅同佢同窗喺軍艦上倒戈歸順咗共產黨，從此就冇好日子過。畀人闘嚟闘去直到1978年走佬去香港，佢哋同我講共產黨不可信，而撈頭更加不可信，兩樣嘢加埋就係死亡騙局。佢哋講咗好多故仔畀我聽，同我以前睇開嘅共產運動故仔都差唔到幾多。但又一個吃人嘅故仔我就一直以為係媒體炒作，點知老師傅就同我講咗一段親身經歷。文革果陣廣西派系鬥爭激烈，失控到連中央都管唔住。喺冇辦法之下就把大批嘅廣東軍人調入廣西，搞淡果局。老師傅係其中一人，連同做醫生嘅老婆一齊去廣西。佢哋去到廣西日日都睇到有人喺武鬥中喪命，去到醫院驗屍之後抬出嚟果陣唔知點解尸首都係非常殘缺嘅，尤其個肚都係畀人膛開裏面啲內臟唔見嗮。老師傅老婆問醫院主管搞邊科，得到嘅答覆係唔知最好。有日部隊開大會老師傅如常參加，吃嘢果陣分到嘅係臘肉乾同一串燒內臟，隔離個果廣西軍官同佢講，今日你哋廣東人有口福啦，我請你吃反革命嘅肉，攞佢哋嘅心肝嚟送酒。老師傅自稱見慣世面，係饑荒果陣見過軍人殺老百姓搶佢哋啲糧食都未見人吃人，點知係廣西富庶之地竟然畀佢睇到人吃人。共產黨太可拍啦，佢有咗想推翻呢個政權嘅念頭。
我問老師傅同佢同窗，點解最後你哋都選擇咗走佬。佢哋答我：好簡單，冇兵權。撈頭唔會重用廣東人，就算有幾大嘅功績都唔會得到重用，相反更加會被批鬥。而好似我老竇呢啲聽話派就用完即掉，永不錄用。我亦哈哈大笑，我老竇同我都係佬派，不過希望我可以學以前果孫中山同革命黨咁有朝一日打返大陸。出乎我意料嘅係老師傅竟然同我講，唔好學孫大炮咁想搞掂全中國，啲撈頭好中意自己玩自己，唔好理佢哋。要造反我哋廣東人搞掂就夠。我問老師傅咁未粵獨。佢話係亞，啲撈頭黐線嘅，唔好同佢哋撈埋一齊。你老竇得唔到我真傳，而家睇你啦。我心諗，基因有隔代遺傳，原來造反都有隔代革命呢樣嘢。
