我反對愛國不等於愛黨（朝廷）呢種荒謬講法，中國從嚟就係党國不分，軍隊只對政黨負責嘅國家。到咗清朝以後，中國嘅概念就係一個民族、一種語言、一個國家、一個政黨（朝廷）、一個領袖（皇帝）。愛國自然就要愛埋其他同佢有啦楞嘅嘢，唔好懶扮嘢學鬼佬口吻講乜愛國不等於愛黨嘅謬論，一係唔該認同埋多個民族、多種語言、多種信仰、多個州、多個政黨、輪流選領袖，如果唔係就請收皮。
講到一個民族，真係要諗下而家我哋到底係乜族。清朝果陣就個個都要做啊Q，而家鬼佬對中國人嘅印象此中都係前額禿後留辮，CCTV年年大肆播放以清朝為背景嘅歷史片，好似中國歷史就得一個清朝，因此我認為中國古代民族係啊Q族或清族。
到咗民國孫大炮提出五族共和搞出個中華民族，但又唔畀陳炯明搞連省自治，所以係得個啱民族。海外好多人都叫自己做華人、華僑、華裔，有中華會館，之但係你問呢啲人華係邊個國家，一定會有多個答案。有中華民國、有中華人民共和國、亦有中華帝國、中華聯邦、中華共和聯邦。ChinaTown遊行果陣你可以睇到各種各樣嘅中華旗，我甚至喺CNN大樓前面見到有華人攞黃龍旗示威（啊Q華裔但冇見留辮？）。當然鳩啱民族亦可以理解為表面包容嘅民族。中國而家唔存在呢個民族，因為華族嘅特性唔可能喺中國生存，只能喺海外放大炮。
1949年之後人民就冇得鳩啱，只有中共鳩啱。宋大家姐果隻愛我中華就話有56個民族，但實際上以我觀察世界上高只有一個中華人民共和國，呢個國家嘅人叫中國人，佢哋嘅民族係共產族。共產族分共產高尚人同共產分子。呢一個民族除咗係好多單一屬性之外仲有單一信仰。共產族排斥其它信仰，排斥其它民族。共產族起源於蘇聯，其族希望同化全世界，使全球得番一個國家，一個共產族，一個偉大領袖。不過共產族最終只生存喺中國，而佢消滅同化咗漢族。
共產族以中國人名義殖民奴役好多唔想被同化嘅民族同地方，漢族係其最大障礙。查實呢個中國最大民族係好耐以前已經唔存在，不過有人認為如果有小小漢人DNA講漢語寫漢字嘅都可以叫漢人。共產族同化咗東北滿族之後就借用佢哋嘅語言首先消滅滿文同滿話，之後就開此同化漢族。基於信仰共產族先簡化咗漢族嘅文字、文體、語言、行為、表達能力、認知、學識技能。然後修改漢人歷史，禁止漢人崇拜佢哋嘅聖賢，禁止漢人禮儀同穿漢服。基本上到咗而家，漢族已經大部份被同化咗做共產族。漢族嘅滅亡之後其他所謂嘅小數民族亦加快被同化變成真正嘅中國人共產族。
