講粵獨果陣上咗年紀嘅都同我題及聯省自治或者反地方主義，呢個證明係老一輩粵人大中華概念根深蒂固，追求嘅只係大粵嘅高度自由，同大粵獨立建國話題相距甚遠。
而家啲文人雅士都話聯省自治係中國嘗試聯邦制嘅典範，我話係吹水。中國吃人歷史話畀我哋知，一個大王朝冧咗軍閥自然割據，顧及冇實力一統天下，往往各軍閥都表面和好，口口聲聲話要自己搞好自己個範，同其他勢力係河水不犯井水。之但喺內政搞掂稅收增加就即刻向外擴張打天下當天子。聯省自治時代南方軍閥爲咗唔畀北洋軍閥以中央名義吞吃，就用政治同憲法為名搞自治，只要有充足時間休養生息，好快就會個個都嚟逐鹿中原。相比聯省自治嘅虛假，急於大一統嘅孫大炮唔等大粵有休養生息機會就要北伐可以話係唔顧粵人生死。有小小良知嘅陳炯明可以話喺呢一方面仲係比較體貼粵人，但喺冇人能夠保證一旦大粵休養生息過後財政富庶，佢會唔會搞打天下做天子。
反地方主義更加離題，中共歷來運動都係要人闘人，公啱好要打低一批粵籍共產黨員就搵反地方主義為藉口而已。某位靚姐講過今日你幫共產黨，聽日共產黨就殺你全家。加入邪惡組織嘅粵人成幫結派冇乜咁出奇，畀共產黨屌老母更加唔出奇。佢哋係想為自己創造更多利益而唔係為大粵創造更好嘅自治環境，畀人闘粵人唔會憐憫佢哋。
今日夜話粵獨係想話畀大家知，獨立唔係咗將嚟有一日粵人能夠統一中國，粵人做中國上等民族。亦唔係以獨立為名要挾中國畀大粵某啲權貴發財，然後立品畀大粵多啲自由。獨立就係一個民族，一種語言，一個國家，呢啲嘢同中國啦唔上關係。粵人對邊個坐中原寶座冇興趣，亦唔會參與戰爭拯救所謂生活喺水火中嘅同胞。中國人唔係我粵人嘅同胞，粵人冇義務干涉他國內政。
為咗避免立國後設立依法治國地方自治果陣畀中國反撲再次殖民，我哋都係要對歷史再三反思。粵人要走出聯省自治同反地方主義嘅deadend。
變動社會中的憲政嘗試 1923年《中華民國憲法》的制定與憲政理
http://www.lunwentianxia.com/product.free.205157.1/
聯省自治與湖南省憲法
http://www.edubridge.com/letter/xiangren.htm
廣東爲何“反地方主義” 1 & 2
http://zaojl.blog.sohu.com/820301.html
http://zaojl.blog.sohu.com/820313.html
