等咗噉多年，終於現身了。
Wednesday, January 20, 2021
Thursday, January 14, 2021
Tuesday, January 12, 2021
北拳匪南長毛
今有撈頭言之鑿鑿，話河北病毒來源外國傳教士聖誕來華布道。言論並無被撈共禁止，地方政府更宣佈新一輪拆教堂，搗毀地下教會措施，撈頭拳妖磨刀霍霍。耶教沒落、性別不分嘅鬼佬同日本宅更邊敢多事。喺封城之下，無路可走嘅人條命真係凍過水。
反觀我嶺南古有南蠻美譽，上個世紀江南一帶嘅人一聽到粵人鳥語獸話即聞風喪膽，上海人共產逃亡都唔敢落港，首選台灣。可近年不知是何原因，客家長毛滿嘴之乎者也，潮州怒漢好舞文弄墨，廣府街頭巷尾京味十足，小朋友講嘢啲兒化音以假亂真，實為折墮。而喺西化香港嘅長毛尊奉托洛斯基，到頭來亦畀撈共國安法鋃鐺入獄。真所謂拜錯祖先，上錯香，當我哋不再野蠻，撈頭自然就會踩到上心口，將我哋趕盡殺絕。
Monday, January 11, 2021
快樂不知時日過
Trump Trump 話要禁 Tiktok 同 Wechat，從聯邦到地方，行政、立法、司法都加以阻止。講咗成年，講到 Trump 落臺都冇成事。今日 Apple，Amazon 同 Google 一招就收 Parler 皮。 而 Twitter 同 Facebook 上各種獨裁者日日要美國喺地球上消失， 恐怖份子笑談如何破壞美國社會，又如何。但話要 Trump Trump 五更死，三更已經無音信。
我係老餅，仲緬懷緊 Netscape Newsgroups 同 mIRC。步入千禧，除有一個 Gmail 同部手機，本無其它對外通信軟件。自從一零年粵語協會禁止所有粵獨言論，無奈開個 Facebook 搵同好，至於其它社交媒體就一概唔用。一零年 Amazon 畀黑客入侵，大批帳號被盜，我從此亦再冇帳號。時下人類已經將上網同使用社交媒體當作與生俱來嘅權利，快樂嘅網絡時光中，均不知自己如扯線公仔，冥冥畀媒體大亨操控。一旦反抗主流意見，就會被刪帳號。對某啲人嚟講有如開除出族譜，更甚浸豬籠。用得免費 app 多，以忘記佢為何免費，生怕條線畀人剪斷，唯有我審查。
查實我哋應該多學網絡知識，懂得如何喺暗網活動，遠離大公司控制。我哋粵人更要小心某日我哋會被呢啲標榜自由嘅網絡公司一鑊買畀共產撈頭。若要粵獨交流，應設立自己嘅服務器，喺14眼之外設立自己嘅平臺。當然人才同資金不可缺少，故不要快樂不知時日過，多啲學習，多啲搵錢，唔好畀 GAFAM 浪費生命。
Friday, January 1, 2021
Subscribe to:
Posts (Atom)