Wednesday, June 30, 2010

粵人敗類

今日網上surfing畀我睇到呢條友仔嘅回應真係起火。http://stage.crunchyroll.com/forumtopic-513691/cantonese-independence/?pg=0 

"bs, this will only create another civil war within china. China have fought itself for thousands of year and it needs to be unified. I myself is a cantonese and i do not believe guangdong should separate. Even if it were to lose the cantonese language/culture for the greater deed of the unification of China, it shall be done. "

中華會館

嚟美加旅遊嘅人都會喺大部份唐人街見到中華會館呢個組織。該會館多為四邑人,係早年嚟美有黑社會背景嘅粵僑組織。當年鬼佬欺負嚟美粵人勞工,所以粵人就建立幫會組織自保。再加上早年嚟美嘅粵人勞工多為男性,果陣有冇咁多娛樂節目,所以好多幫會都從事賭博,放貸同操縱妓女呢啲嘢。日子耐咗各幫會就產生摩擦同爭地頭,最後大家就統一起嚟建立中華會館,以前自立嘅幫會而家就都係中華會館嘅堂口。至於邊個做老大,就好似電影”黑社會“噉玩民主選舉。從呢一方面可以睇出我粵人好容易接受民主,而唔係好次啲撈頭咁唔開化。直到而家,好多粵僑或新移民上埠都可自由參加任何一個組織尋求幫忙。但撈頭移民就唔會參加或組織會所,有乜問題就直接去搵中領館。當然能移民嚟美嘅撈頭都係有錢人,無需好似逃離家園嘅粵人噉需要幫助。

中華會館第一次改頭換面係中華民國成立果陣。由於給予孫中山大量金錢同人力建立民國,中華會館從一個黑社會集團變成愛國集團,而且倍受外國媒體關注。中華會館日後更大力支持民國政策,從北伐到抗日,除大量金錢援助外,更鼓動粵僑回國當兵同參加美軍,影響美國政壇對民國政策。49年後中華會館第二次改頭換面,由於民國敗亡同大量粵僑土地被搶,大量粵人被批鬥而逃亡海外,中華會館變成咗反共救國嘅海外根據地,倍受臺灣政府重視。中華會館從民國的資助者變成被資助者,臺灣嘅金錢外交有唔少錢都落入會館嘅口袋。

時而世逆, 04年僑委會張富美喺接受中國時報採訪果陣,公開宣稱把僑民分為三等:第一等是拿“中華民國護照”、從台灣走出去的“新台灣人”;第二等是曾在台灣讀過書的“僑生”,第三等是“老僑”,即1949年以前移居海外的華人及親屬等。她說:“海外僑民要區別對待,將優先照顧‘新台灣人’,有多餘的力量時,才輪到第二類及第三類僑民。”  臺灣政府已經放棄反共救國呢味嘢,加上中共強大,台獨盛行,恢復民國已經冇可能。而家中華會館啲大佬個個都想返鄉下睇下,中共撈頭睇準呢一點更加邀請佢哋返鄉下投資。撈頭腐敗,會館大佬嘅投資血本無歸,多年嚟喺臺灣道攞到嘅反共資金就咁落入共產黨嘅手中。中華會館除服務粵僑外已經唔可能左右政治時局。希望會館能正名,去中華民國呢個枷鎖。

Tuesday, June 29, 2010

China town have no Chinese

我十世唔去飲餐茶,今日有事路過Chian Town就順便去吃個包。見到有靚女推車叫賣雞包同蓮蓉包就打手叫佢過嚟。點知隔籬有女人講:“叫啥叫!請講普通話!” 我擰轉身見係一位旅行団嘅旅客。我就答佢:“In America we speak what ever language we choose so far we understand each others." 所以我話China Town或者唐人街呢個名真係有問題,啲粵僑係度以為自己可以代表中國,點知畀撈頭一嘢拆穿佢哋連普通話都唔講,何以代表中國?因此China town have no Chinese,only have Cantonese。睇下人哋啲Hong Kong Town又或者Little Tai Pei,起碼人哋唔會唔會好似粵僑噉扮代表中國。不過而家出嚟嘅撈頭都係有啲見識嘅,我提點下佢,佢都好快醒水。十年前我都遇到同樣嘅事,果次個撈頭就仲惡。一句彈埋離:”老子是中國人,講中國話,老子有錢。“

The Matrix 出咗問題。

呢哌網上到處轉載“變臉 中國不高興 作者發財后立刻辦美國綠卡”一文。 好多憤青認為呢個係共產主義嘅敵人係網上造謠,詆毀文中愛國人士嘅假新聞。我話唔係!係個死人Matrix出咗錯,個死人頭Architect谷精上腦竟然搞出呢啲傷害中國人感情嘅嘢,我有機會一定會幫啲撈頭屌柒佢。

講到Matrix就真係一把火,我同佢講咗好多次大粵唔係中國嘅一部分,妳唔好攞1進制嚟計數。叫佢下次upgrade唔好把大粵設計成中國嘅殖民地,佢次次upgrade都係要咁荒謬唔改呢個設定,仲話係我粵人2進制搞錯。真係 Agent Smith 玩嘢!

Monday, June 28, 2010

丹尼王子殿下玩surfing

喺大英帝國統治時代,香港出咗個長洲原居民李麗珊喺奧運度攞到滑浪風帆金牌。自97此以後就唔見到有乜香港本土人士喺世界運動舞臺上拿獎,不過倒係見到唔少撈頭假扮香港人話要為港爭光。今日見到丹尼王子喺粵港粵過界到玩surfing先知真香港人唔係咁以模仿。受中國大一統專政教育嘅假港人根本唔識同人辯論,王子同佢哋講獨立,佢哋話王子洗版,牛頭不對馬嘴。王子話要去中國化,佢哋問王子點解使用日漢字,連文字同國家關係都分唔清。最後講唔過就想使用獨裁專用必殺技封王子帳號,發現唔可能就人身攻擊想用口水沉死王子。結果話人洗版果個自己就係度洗帖,畀丹尼王子玩到沊沊轉。中國撈頭有句俗話,我人數多每人吐滴口水都可把你沉死。我話非也,只要有丹尼王子嘅surfing功夫,再多口水都冇用。

中國民主化同粵獨

有人提出而家粵人要搞粵獨都係共產黨一黨專政唔民主所致,粵人想得到自由應該加入推動中國民主化嘅行列,而唔係鬧分裂。呢個係撈頭慢慢吞食我大粵嘅詭計。
第一請粵人切記,喺歷史上當粵人幫撈頭果陣,有幾時我粵人有好收場?撈頭專吃幫佢啲人。生吃袁崇煥我就唔想講啦,戊戌六君子就更加不知所謂。締造民國果班粵人就更加係列入教科書入面嘅黑名單,個個頭上都頂住偽政府嘅王冠。最出名嘅孫中山喺大陸畀共產黨明屌,係台灣畀本土派國民黨同民進黨暗屌。共產黨建政大把粵僑出錢出力,一個屈尾十全部都變曬反革命。”改革開放“粵人幫撈頭打下經濟基礎,換返嚟嘅係土地丟失,大量殖民。粵人越係幫啲撈頭就越係死得快。
第二中國民主咗撈頭一樣會對我大粵保持殖民態度,一樣想消滅粵文化同粵語。美國1776年立國就係民主國家,all men are created equal 都寫埋喺 Declaration of Independence 度,咪一樣有黑奴制度。打咗場 Civil War,搞咗個 Emancipation Proclamation 同 Thirteenth Amendment 出嚟咪一樣係有racial segregation。到咗1968年黑人民權運動先至樣黑人同白人慢慢平等返。你要我粵人幫撈頭民主化,然後再等192年先至同佢平等,蚊都瞓啦。到果陣仲鬼有人識乜係粵語粵文化咩,就好似啲美國黑人都冇曬佢原來嘅非洲文化噉。
我認為,中國民主化對我大粵有利,但粵人獨立同中國民唔民主冇關。唯有獨立先可以保留我粵語粵文化粵人嘅身份。

Sunday, June 27, 2010

轉折粵港越過界Nigerian嘅一段post

以為可以大一統將所有人倒模變成千人一面﹐ 語言文化同思想都一樣﹐ 呢種只係幾千年前落後民族終日想建立統一大帝國嘅迂腐觀念。東征西討擴大地盤﹐ 然後消滅或者同化外族﹐ 令整個地盤之內只有單一種語言文化單一種思想﹐ 其實係違反人性﹐ 亦係中國地區之內千百年來各個民族表面團結其實係一盤散沙嘅主因。

文明人都意識到同明白到唔同地區嘅人都各有獨特思想同語言文化﹐ 與其追求統一而必然扼殺地區語言文化﹐ 不如取聯合。保留地區自主權之餘﹐ 又以整體利益黎誘使各地區加入聯盟﹐ 咁先可以減低矛盾建立一個穩定整體﹐ 因為各成員係自願加入﹐ 而唔係被老屈成"你係我自古以來不可分割嘅一部份﹐ 你世世代代被我統治"。

撈頭戇居理論

當聽到粵人提出要粵獨果陣,啲撈頭會有以下反應。

憤青論:“都是一些沒有前途,仇恨社會的人在網上YY。”
---------  中國唔係世界上發展最好嘅國家咩?個個家庭都係小康,偉大嘅黨畀咁多機會人,點解會有人 冇前途?我哋都喺國家嘅主人,共產主義嘅螺絲釘,又點會仇恨社會?以我為例我有屋,有車,有穩定嘅工作,銀行有錢,又點會係冇前途?除非又嚟搞土改闘死我。
持呢種理論嘅撈頭唔會係草根階層,佢哋嘅特點係憎人富貴厭人窮。鬧貪官富人果陣就會跟人起哄,當有人提出要改變果陣,佢哋又維護邪惡制度,話賤民底死。典型嘅滿清啊Q。我身為粵人,就係因為知道我今天嘅一切完全係好彩而得嚟,所以我要為唔好彩嘅粵人爭取自由。我要改變我大粵人喺撈頭嘅統治下世世代代做奴隸嘅局面。

代表論:“你要搞獨立,你有問過中國人民嗎?”
---------  共產黨教育下嘅言論,以為自己代表人民,代表大多數人。 只要你同佢講不如嚟個公投,佢即刻收皮。因為中國冇自由選舉制度,所以個個都可以騎劫民意。尚且粵人獨立係粵人自己嘅事,關中國人咩事?

歧視論:“沒有中國(偉大的黨),廣東早就完蛋了。獨得起來嗎?”
---------  好多撈頭認為廣東嘅富裕係中國畀嘅,黨要攞返啲土地,攞返的錢,粵人就要冚家鏟。大粵如果唔依靠中國,就冇得生存。呢個係典型嘅撈頭奴才歧視我粵人嘅論調,視我大粵係佢殖民地,想點就點。獨立於撈頭統治下我粵人先至有生存希望,你睇下啲海外粵僑,有邊唔係出中國就生,入中國就死。只有撈頭需要粵人,我粵人唔需要撈頭。

學術論 :“藏獨,疆獨很實際,不過粵獨就有技術問題。”
---------  有撈頭知道一黨殖民冇市場,就鼓吹中華聯邦論。佢哋不得不承認藏獨有國際宗教勢力嘅扶持,疆獨有伊斯蘭武裝嘅自持。但粵獨暫時冇乜咁掂,就話係技術問題。要我粵人加入聯邦繼續畀佢哋以另一形式殖民。呢啲撈頭都係馬後炮專家,20年前佢哋都話藏獨,疆獨冇可能。30年前都話蘇聯唔會瓦解。我粵人一旦係獨立方面有進度,佢哋就一定話:“早就料到了。”

Friday, June 25, 2010

你有冇上海人咁掂

有好多粵人認為廣東只要經濟搞得好,政治自然就會出人才,加上海外粵僑咁愛國,做咗咁多貢獻,中原撈頭係唔會打壓粵人嘅。我就要問啦,上海吳人經濟全國第一,政治上更有上海幫,出過一個國家主席。吳僑對國家貢獻都好大。點解中原撈頭仲要打壓吳人文化,吳人語言?點解仲要拆遷吳人房屋,打壓佢哋生活環境?點解仲要大量殖民中原撈頭去上海?講到尾無論妳做得幾好,中原撈頭都歧視妳,打壓妳。

現實殘酷

有好多人都話自己好實際,叫佢去做實際嘢果陣佢哋就個個都選擇性失憶。有人同我講粵獨係意淫,我同佢講你可以實際啲咖:“中國係單一民族國家,單一文化,單一語言文字,單一政黨。有乜理由廣東人話有自己嘅文化异於中原?按照小數服從多數嘅原則,廣東人早就應該順應潮流放棄講粵語。中國好快就係世界第二經濟同軍事大國,向外輸出單一化觀念係可預見嘅將來。同一個世界同一個夢想,所謂粵文化就係中國半殖民地文化+雜種漢人南遷文化,粵語就係過時嘅漢人鳥語,粵人冇理由抱住啲雜崩冷同新中國文化對立。所謂捍衛本土文化只會拖慢中國單一化進程,但冇可能成功,最多畀個50年,粵語人口就會消失。所以面對現實從講變種滿洲語開此,都寫簡化字,做文明人。” 唔知呢位講實際嘅人兄會唔會做實際嘢。

韓戰60年,論奴才。

好多撈頭都認為日本同南韓都唔係美國嘅附屬國家,其政權為傀儡。呢啲國家嘅國民都喺奴才,二等公民,台灣同97前嘅香港也如此。之不過上述地區二等公民嘅生活水平都高於所謂獨立自主嘅中國同北韓。而且喺環境最差嘅時候都冇出現大饑荒同因政治大量人口死亡。其實做人都喺爲咗生活穩定,如果叫撈頭揀喺做冇保障嘅中共公民呢定係大英帝國嘅屬土公民,妳認為佢哋會揀邊個?如果問撈頭北韓南韓二選一揀邊便住,妳認為佢哋會揀邊個?
講到做奴才又有邊個畀撈頭叻?做咗兩百幾年滿清啊Q,又喺日本統治底下成立咁多所謂嘅“偽政府”“偽軍”,到咗今日都仲係蘇聯俄羅斯嘅跟班。我都唔明啲撈頭憤青點頂得順?衣食住行冇範掂,成家立業更係遙遙無期,更唔好講老咗可享受社會福利。之不過妳喺中國一定係一等公民,因為果啲想揀做外國二等公民嘅都餓死同闘死曬。

Thursday, June 24, 2010

南下幹部 VS 南下打工撈

中原撈頭歷嚟都有唔少人因唔同理由嚟我大粵生活,佢哋大多都會選擇生根大粵,融入當地。49年之後就出現根本性改變,中原撈頭徹底視我大粵為其殖民地,只在其上高掠奪而視粵人為賤民。大多南下打工撈都唔尊重粵人,強逼粵人跟隨其生活習慣,講其變種滿洲話。佢哋喺大粵到搵錢但從不打算生根於粵,與粵人有好。每年春節都唔會同粵人同歡,個個都逼火車走佬。相比起自願南下搵吃嘅打工撈,南下幹部與其子女就唔係個個都自願嚟大粵。我身邊認識唔少第二第三代南下幹子女,佢哋生於大粵,長於大粵。能講流利粵語,認識粵人文化,但佢哋唔會與粵人通婚。90年代北方經濟有咗起色,佢哋個個撲住舉家返比方,臨走前佢哋同我講:“大粵係幾好嘅避風港,當年其祖輩為逃避政治鬥爭,饑荒嚟大粵,但佢哋嘅根唔係番外而係中原。要喺中國政治舞臺亮相絕對唔可以係粵人或和其有之關係,因為會被歧視。而家90後啲南下幹部係因為喺政治上撈唔到油水所以嚟大粵搜刮一筆,等有咗資本,佢哋一樣會返比方。”

Wednesday, June 23, 2010

保護傘理論

好多粵人都憎死啲中原撈頭但問佢哋點解唔獨立於中國之外,佢哋嘅答案係國家大防禦外敵有保障,我認為呢個論點有問題。中原撈頭係歷朝都冇好好經營我大粵,幸好我大粵冇和其他周邊鄰邦發生衝突,如果唔係,打起仗上嚟啲中原撈頭一定第一個走佬。近代明朝撈頭生吃咗袁崇煥,打都冇打過就把大粵拱手讓畀滿人,何來保護?唯有我粵人英勇時時都反清複明,中原撈頭老早就做咗清狗啊Q。清末西洋各邦殖民中國,滿清大筆一劃香港同澳門就咁割咗出去。何來保護?唯有我粵人英勇三元里抗禦外敵。海內外粵人努力奮鬥建立民國,捐錢出力畀北伐,最後撈頭一腳就把粵人踢出權力中心。對日戰敗啲撈頭就逃亡去咗重慶搞到廣東香港淪陷,何來有過保護?國共內戰,國民黨兵敗,棄我大粵不但只,仲破壞我大粵建設,洗劫粵人財物。何來保護?共產黨建立新朝廷,當年抗日文人被打成右派反革命,愛國華僑土地被沒收仲被侮辱係外國間諜。眾多鄉紳被殘殺,土地被撈頭強搶。兩廣分立,欽州,防城港,北海被劃入廣西。海南獨立。橫琴島割讓比澳門。何來保護?而家所謂中國強大啦,但我大粵一向宣稱擁有主權嘅西沙南沙列島都被南洋諸邦佔據,我粵漁民係自己地頭打漁反被外國扣留視為違法,中原撈頭從唔過問,何來保護?而家又話南海有可燃冰,先至派部漁政船嚟候住。何來保護?大粵只不過係中國嘅殖民地,中原撈頭比其他西方殖民者更差,佢哋毫不顧我粵人生死又點會為我大粵提供保護?

Tuesday, June 22, 2010

冇得尊重

啲撈頭永遠唔會尊重我哋粵人,妳有錢有文化有愛心佢都視妳為蠻人。有人話粵語係正統中原漢語,民國時代差一票做唔到國語。講嚟講去都係想啲撈頭尊重下我哋嘅語言。之不過粵人又知唔知好多吳越地區嘅語言都好接近古漢語?四川人都講民國時代差一票川話做唔到國語?對於中原撈頭嚟講無論妳點講,佢都歧視妳。所以粵人唔好諗咁多嘢嚟呃自己啦,民族自決受世界各國尊重先係有意義。

How far we can go back and claim our culture?

睇到某達人講東山啲民國建築係洋樓,跟本就冇粵人文化喺裏頭。如要恢復粵式建築現要把明城墻起返。之不過其論點係建立喺粵文化=明朝漢文化上高,如果我話粵文化=秦漢文化,因為秦漢文化先至係正統,連明朝漢文化都係抄佢,妳話有冇得拗?如果我話粵文化=滿清文化,妳睇下我哋平時啲衣食住行係唔係同清朝更接近?連睇電視都係成班啊Q係裏邊,妳話有冇得拗?
呢家嘢冇得拗嘅,妳唔中意共產資本文化,唔中意民國滿清洋務文化就話明朝漢文化係正統粵文化。噉我唔中意撈頭啲漢文化,係唔係秦漢之前粵人土著文化先係正宗粵文化?
我個人認為當粵人自我民族意識醒覺時,就可以定位果陣係正宗粵文化嘅開此。

Sunday, June 20, 2010

妳唔得叻過我

最近Avatar: The Last Airbender上畫,好多人開此關注佢原來嘅漫畫同卡通。有撈頭問點解啲鬼佬可以做出噉中國文化嘅嘢,中國就唔得,要求廣電局封殺此片以免啲小朋友去睇。我記得The Last Airbender都只不過係玩咗啲中國元素,講到文化就真係不知所謂啦。之不過我估唔到啲中原撈頭咁小氣,自己係愚民政策下冇創意,漫畫工業不如人就唔畀人入中國競爭。我終於諗明N年前果部記錄片“河殤”講嘅中國人醜陋。

Friday, June 18, 2010

Now we just like black people

有位潮裔朋友同我講:“you Cantonese are black people in China”  我問佢邊方面我粵人似黑人?佢答我:“Cantonese is not very civilize, they are low educate and poor. They refuse to speak the same way as other Chinese, and hate their government just like the black slaves did in America.” 我話畀人奴隸就真係冇得講,不過其他果啲特徵就有啲莫名其妙。我話不如你上網查下啲相關我粵人資料睇下同你講嘅有冇出入。幾日後佢返嚟同我講:“my Mandarin friend lie to me!”  我話:“ok 啦,不過我提醒你。你果個撈頭朋友都幾歧視黑人。”

你是中國人嗎?

撞到個中原撈頭,佢哋聽完我啲見解果陣問我:“你是中國人嗎?為何要反華”
我嘅回答係:“妳哋嘅言行已經同我答咗個問題”如果我係中國人,點解我畀其他中國人稱為南蠻?點解我嘅母語被稱為不講文明嘅語言?點解我世代相傳嘅文化係略等文化,一定要被剷除從而接受京文化?點解我嘅屋企一定要為撈頭所謂發展就係硬道理而拆?點解我老豆老母為中國奮鬥一生但最後既冇養老又冇醫補,連棺材錢都要問我攞?
妳估我戇居咩,答案就係:“我都唔係中國人,所以啲中國人先至奴役我族千年,唔反就正傻仔啦”。

Thursday, June 17, 2010

留返啲 footprints

學生時代都有搞過 website 同 forum 之後出嚟做嘢就好少再 online 搞搞震。時下果啲乜嘢 facebook,twitter 博咩博乜我都唔玩。前果排 Geocities 收皮,以前啲嘢就噉冇咗。今日突然間又想喺網上留返個腳印,興起就開翻個 blog。