Saturday, April 30, 2011

時代局限

孫大炮嘅炮嘴犀利,黃興就喜歡燒搶。當年黃花崗起義啲人真係唔怕死,今日好多人包括我在內都未有勇氣攞搶出嚟同撈頭死過。時下共產警察國家唔能同清末山高皇帝遠比,國際環境都趨於偏安,會唔會又在出現武昌起義呢啲哎呀革命,睇嚟粵人暫時只能繼續睇大戲。




Friday, April 29, 2011

現世報

我老竇經常受現世報折磨,佢當年深信共產主義中國為其出力,而家佢點都接受唔倒佢哋一代嘅努力成果開花變成有中國特色嘅社會主義,比資本主義仲資本主義。

想當年身為廣州人落到香港(90年)感歎大英帝國治下嘅香港,非常羡慕同為粵人但物質豐富嘅香港人,最重要嘅係香港人能夠睇到佢哋嘅未來,生活無憂。但撈頭對香港嘅評價自然就係帝國嘅走狗,窮到穿唔起衫,上唔倒學。而對英國王室更係瘋狂攻擊,譴責帝制腐敗貪婪。今日威廉王子大婚,中國大肆宣傳,網絡推手更係宣揚帝制嘅好處,紅二代同大漢主義者更係想捧毛新宇出嚟做皇帝,個個都搬孔老二大條道理話自己係乜嘢公物嘢爵,對霸占他人土地搵值口,對自己長期唔能執政搵理據,更稱一般民眾為賤民,刁民。呢種亦係現世報,我哋今日就受撈頭呢種人格分裂變態折磨。

粵人要跳出呢種精神折磨,唯有獨立於撈頭嘅統治。唔想受現世報,獨立建國係唯一出路。

Sunday, April 24, 2011

嘢照買,街照行。

上一年上海大火搞到生靈塗炭,好多吳人開此關注同投入公共安全。今日廣州中華廣場發生火警,但民眾無所動容,照舊shopping。商場方面冇通知人客大樓已經著火,既有撈頭顧客認為知道嘅人較少,所以無造成混亂十分慶倖。又一個非常好嘅殖民地寫照,粵人生活喺一個開放式動物園裏邊,自以為自由。其實只不過係個籠大啲,粵人被消費,不知其命賤,撈頭梗係希望你乜到唔知。

Wednesday, April 20, 2011

與狐謀皮

粵人忘本喺屋企同自己細路仔講撈話,使到新一代粵人唔識講粵語。本人深受其害,但不見自己社會地位有比果啲唔講撈文撈語嘅粵人高得去邊。時下潮流養寵物嚟顯示身份,主人將貓狗一切事務交由專人打理,自己只會帶佢哋行街飲coffee。最近一名狗仔助理因無法命令小狗,導致小狗走失。事後先知道其主人身為粵人卻同狗仔講唔鹹唔淡嘅撈話,導致小狗既對粵語無反應亦対撈語冇態度。真心希望呢隻小狗喺街到能搵到同佢講唔普通嘅“普通話”小狗或善心人,如果唔係遇到心術不正之徒,溝通誤差變成餐台上面嘅hotdog就喊都無謂。

Thursday, April 14, 2011

未解決

同人唔同命,同遮唔同柄。獵德就係政職工程,呢個同冼村一啲關係都冇,再次體驗中國人嘅命運觀。冼村呢幾年多次因為強拆放生官民衝突,下下都搞都流血收場,如果呢件事發生喺粵地之外嘅中原,村民早就已經被集體屠殺埋嗮係某個山頭做肥料。近日廣州市天河區冼村遭強拆再釀血案,顯示喺大庭廣眾之下非法占地,中共黑社會使用嘅係切香腸手段。














http://www.facebook.com/media/set/?set=a.105872009484666.10221.100001856031744

Wednesday, April 13, 2011

汪洋大盜紅寶書

幸福的方法:
撈頭撈語逐出大粵
粵地自由民主多元化
粵人治粵立國
撈頭喺佢同大粵邊界起條長城,閉關唔出,每年與GDP同步起高個城牆。














對我們生活的誤測:
流氓地痞講大話治國勝在封鎖消息,製造虛假歷史同階級仇恨。
恐嚇式愚民政策,同種族歧視可以內耗,上層官員千秋萬代。
對粵地小朋友洗腦可以消滅一方文化。
如果沒有共產黨,粵人天天就會吃屎。

Sunday, April 10, 2011

諗清楚

http://junyinnjsh.blog.sohu.com/

連撈頭都知我哋粵人認真要深思,唔好日日聽住“五不搞”鬧完就算。

“中國南方的經濟文化超越北方,可文化標準一直控制在北方手上。政權在北,經濟在南,中國是世界上絕無僅有的政治和經濟嚴重分離的國家,也是世界上唯一經濟發達地區向落後地區學習語言的國家,個中緣由,發人深思。”

Saturday, April 9, 2011

鬍鬚佬

我細個果陣畀我媽抓咗去少年宮畫咗6年嘅西洋畫,攞過兩次廣州市啲少年比賽獎。我媽周時同我講送你去畫畫搞到你週末都要去上課係爲咗陶冶你嘅性格,但唔係爲咗將來你可以從事藝術工作,因為搞藝術嘅好難搵到吃。我諗下都係,我做咗咁多年藝術課代,喺撈頭嘅實用主義下根本就係冇咩用。至此我通常都叫啲藝術家呃飲呃食工作。撈頭呢個小氣民族從嚟就係一群流氓地痞組成嘅,最近唔知點解對一個鬍鬚佬咁放唔低,一再抽秤佢。鬍鬚佬自稱為鳥巢設計功臣,名家之後。雖然亂畫符係人都識,但唔係個個都可以生一大把鬍鬚仲要經常同一群老女人拍裸照。又唔知點解啲鬼佬又會畀佢呃倒,認為佢有本事改變啲乜嘢,艾啲不知所未未。我哋粵人有邊個識得睇梵高畫嘅幫眼睇睇佢搞邊科咖?