Sunday, February 22, 2015

就快收皮

中華民族只不過係近百年中原知識分子抄西方意識而創造出嘅神話,呢個民族天生就學習竊該嘅歷史,因此無法累積經驗,再而不允許多言發聲,故此就算出事亦缺乏當下反省。上中下階層為咗推卸責任就將一切問題歸咎外部,實行鴕鳥政策。落後嘅思維無法跳出王朝更替,而家個個走佬,以無命運共同而言,神話就Ragnarök。

Saturday, February 21, 2015

先知玩笑

有時煮飯果陣無聊會開啲香港網台嚟聽。過去果年香港嘅政治勢力基於本土派嘅崛起而不斷抽水,好似發現金礦噉闡述佢哋對嚟樣新事物解釋。我不禁諗起香港發生嘅爭論就好似十年前大粵獨立派同自治派嘅爭論,唔怪得我哋粵獨嘅幾位志士不時話佢哋係先知,起碼香港脫離中原統治係跟住我哋粵地獨立屁股走。呢個令我更睇唔起港人嘅能力,佢哋應該比嶺南諸邦更有機會接觸各種先進理念,全民教育質素非常好先啱。但係港人年十年前嘅粵人都不如,想獨立嘅連民族為何物都解釋唔出嚟,而想搞自治嘅又想飲撈頭嘅奶,更因為個人恩怨同蠅頭小利而每日講嘢唔同左腳著右鞋。我今日睇死香港嘅命運只能跟住粵地走,十年後港人會喺某個橫街窄巷遊行捍衛粵語。而當大粵立國中原大亂果陣,港人只會爭論如何恢復中華同回歸英聯邦。邦聯黨係時候修改對香港嘅態度啦。

Monday, February 16, 2015

廣告!黨就係國,國就係民族同文化!唔認同共產撈頭者快啲移民。


此片上架有一年,而家先紅可能撈頭最近幸福指數上升緊。不過我就見到唔少粵人向外逃亡,有錢冇錢中產用盡各種方法噉走。佢哋唔一定認同嶺南諸邦係中原撈頭殖民地呢個論述,但佢哋已經失去國家嘅認同感。唔緊要嘅,共撈始終要返蘇俄,騙子御用文人自然會去歐美,剩低嘅流氓地痞惡霸可以繼續主政中原互相殺戮。到時海外嘅粵人可以回歸大粵邦聯重新搵返國家認同。