鬼佬玩人

美國佬航空母艦一時話嚟一時又話唔嚟，每次有新聞話華盛頓號可能入黃海，啲憤青就督促個無能政府同美國開戰，搞到共產撈頭踢嗮腳，平日養住咁多憤青無賴，一旦開打玩火自焚就會瓜老岑。
今日見有人喺外國建立基地，一邊享受自由空氣，一邊鼓吹中國左派原教主義，我睇班撈頭畀佢哋嘅外國老闆玩到氹氹轉真係過癮。睇嚟中國會進入自1949年開此嘅神話時代後，又一新神話時代。