Monday, July 18, 2011

潮流興

有啲撈頭話以一個民族獨立從而建立一個國家嘅時代已經過去,而家係全球文化交流時代,各國都互相聯盟,根本唔存在國家越變越多嘅情況。啲撈頭嘅潛臺詞係我既然統治咗你,你就同化啦,我以民族主義建立國家果陣你都未出世。
我哋粵獨人唔但只畀撈頭當笑話,經常仲畀臺獨人睇唔起,其他民族獨立組織更認為我哋搞搞震。查實現代國家構成嘅關鍵係一方民眾嘅自我認同意志,加上經濟文化同軍事實力,呢個先至係多民族國家嘅意義。只要我哋粵人符合以上要求冇咩理由唔可以建國獨立,相反一個冇自我認同嘅國家就會隨時有分裂嘅可能,唯有實行對其他種族滅絕一途可保江山一統。