Monday, July 5, 2010

邏輯出咗問題

我同人講中國自古有好多分離分子獨立人士,其中諸葛亮為最好代表者。佢公然教唆號稱漢朝正統嘅劉備分裂祖國,三分天下。之但係點解諸葛亮被大部份人視為正統歷史書嘅三國演義講到噉好,而佢嘅書文更被廣大學生背誦,而蔣委員長就成咗反動派頭頭分裂國家嘅罪人,唔係好公平啵。啲撈頭嘅回答係,古代中國冇國家呢個觀念,所以唔存在分裂國家嘅講法。我話既然如此,臺灣自古就是中國不可分割的一部份就出咗邏輯問題。古時根本就冇中國呢個國家,點可以向一個地方宣示主權?臺灣古時只係被大陸某個政權統治過而非被中國統治,為何係中國不可分割的一部份?我再問以前就有南越國,後嚟被冇國家觀念嘅中原撈頭殖民統治,而家中國有咗國家觀念,按照邏輯係唔係應該畀返南越國獨立?